Regesten der Landgrafen von Hessen
1358 November 5
Auslösung des Schloß Hohensolms
Regest-Nr. 10945
- Überlieferung
-
Ausfertigung: Nach der Urschrift, an der die Siegel der beiden Aussteller noch wohl erhalten sind. Drucke: Landau, Geschichte des Schlosses Hohensolms, S. 218 f. Nr. 10. Regesten: Landau, Geschichte des Schlosses Hohensolms, S. 218 Nr. 10. - Regest
- Revers der Ritter Volpert Riedesel und Johann von Breidenbach wegen der Wiederlösung des Schlosses Hohensolms.
- Originaltext
- Wir Volpert Ridesil und Johan von Breidinbach Ritter Bekennen vor uns und alle unse erbin uffinlich an disem, daz der Irluchte Furste unse gnediger Here Hern Heinrich Lantgrebe zu Hessin und sin erbin unde der Edil grebe Thiderich von Solmez oder sin erbin von uns losin mogen Hoensolmez halp, und alle dem daz der zu gehorit und benand ist vor zehen guldin und zcwei Tusint cleyne guldin, in alle der maze, als unsirs Hern von Hessin brife, dy Her Grebin Thiderich und uns und der selbe grebe eme widdir han dar ubir gebin, sprechin und haltin. Ouch salz daz Hus unseme Hern von Hessin uffin sin und sin erbin zu alle ire nodin, widdir allemenchin ane widdir uns daz Hus und daz dar zu gehorit und benand ist, getruwelich schurin und schirmen, als anders ir land und lute, und sy sullen und rechtin macht habin. Wer auch, daz wir das Hus verlorin, des god nicht engebe, Inkobirte dan unse Her sich des Huss widdir und wilchin sachin daz gesche, So solde unsse Her oder sin erbin und daz Hus widdir antwortin, vor unse gelt, und daz ynne habin ztu dem selbin rechte, als wir ez etzunt ynne habin, Were ouch daz unse Her mid grebin Tiderich obirtruge, ume eyn erblichin koif des Huses uf wilche zeit, zchussen wynachtin und unse frouwin tag Lichtmesse, ez wer in dissen nestin vier Jarin oder dar noch, unse Her uns dan gebe unse gelt, So woldin wir en antwortin, daz Halbe teil des Huses und tals Hoensolmez und alle dem daz dar zu gehorit, und mid allin rechtin, als daz benant ist, ane Wiedderrede. Dys zu urkunde gebin und dissen brif virsig. mid unserm Ingesigel. Nach Xi geburt drizehen hundert in dem acht und funfczigisten Jahre an dem Montage vor sente Mertinstage.
-
Sprache des Originaltextes
deutsch
- Nachweise
-
Weitere Personen
Riedesel, Volprecht [I.] · Breidenbach, Johann [I.] von · Hessen, Landgrafen, Heinrich II. · Solms-Burgsolms, Grafen, Dietrich
-
Weitere Orte
-
Sachbegriffe
Burgen · Rückkaufrechte · Pfandschaften · Ritter · Öffnungsrechte
- Textgrundlage
-
Stückangaben, Regest
Landau, Schloß Hohensolms
-
Original
Landau, Schloß Hohensolms
- Zitierweise
- Landgrafen-Regesten online Nr. 10945 <https://www.lagis-hessen.de/de/subjects/idrec/sn/lgr/id/10945> (Stand: 06.05.2024)