Regesten der Landgrafen von Hessen

Erweiterte Suche »
Ergebnismenge »
Treffer 16 von 23

1401 Mai 6

Vereinbarung König Ruprechts mit Erzbischof von Mainz wegen Streit mit Hessen

Regest-Nr. 11192

Überlieferung

Abschriften:	Hauptstaatsarchiv Hannover, Celler Orig. A. Design. 8 Schrank 4 M caps. 20 Nr. 1. Mit Verschickungsschnitten; Generallandesarchiv Karlsruhe, Pfälz. Kopialbuch 146, fol. 35. Mit der Überschrift: als min herre etliche stucke begriffen hat zuschen min herren von Mencze und dem lantgraven von Hessen zu Nuremberg uf den fritag post invencionem sancte crucis anno quadringentesimo primo.
Drucke:	Urkundenbuch der Herzöge von Braunschweig 9, S. 161 f. Nr. 112; Reichstagsakten König Ruprecht 1, S. 387 f. Nr. 328.
Regesten:	Reichstagsakten König Ruprecht 1, S. 387 Nr. 328.

Regest

Nürnberg. - Vereinbarung König Ruprechts mit Erzbischof Johann II. von Mainz betreffs Beilegung des Streites des letzteren mit Hessen und Braunschweig.

Originaltext

Item daz min herre der kunig mit mime herren von Mentze, als er iczund bie ime ist zu^e Nurenberg, geredt had, und min herre von Mencze mime herren dem kunige ime zu^e liebe folgen will der stugke, als hernach geschrebin sted.
(1) Zum ersten daz min herre von Mencze und min jungher der lantgrave von Hessen sollen soliche zweiunge und spenne, die zuschen in sin, gutlichen furter halden und besten laßen biß uf den achtentag nach sente Johannes baptisten tage sonnewende nativitatis zu latine nehstkumpt, in der maßen als min herre der kunig zuschen in zu^e Martpurg vor beredt had.
(2) Item umb die von Geißmar, die der lantgrave gefangen hat, daz min herre der kunig ernstlichen laße an in werben, daz er heiße die ledig laßen; moge abir daz nicht gesin, daz sie danne vor ein bescheiden gelt ußgegeben werden biß uf den achtentag nach sente Johannes tag vorgenante, ader sich uf denselben achtentag widder zu^e entwurten in die gefengniße, und daz die von Geißmar dem lantgraven des iren brief geben und darinne davor sprechen.
(3) Item daz min here von Mentze und der lantgrave von ire spenne wegen einen tag vor minen herren dem kunige zu^e Nurenberg leisten und selber daruf komen sollen von dem nehsten montage nach unsers herren liechnams tage nehstkumpt uber achte tage, daz wirdit uf sente Viti und Modesti tage nestkumpt.
(4) Item an den lantgraven ernstlichen zu^e werben, daz er minen herren von Mencze mit sinen phaffen under dem lantgraven gesessen gewerden laße, und sich der nicht underwinde widder minen herren von Mencze. Wulde abir der lantgrave daz nicht ufnemen, danne zuê redden, daz min herre von Mencze binnen dem obgenanten gutlich stehen sinen phaffen under dem lantgraven mag zusprechen und dem rechten nachfolgen umbe sin subsidium und nicht andere ungnade an sie legen vor dem obgenanten tage, und daz der lantgrave daz nicht hindern solle.
(5) Item daz min jungher der lantgrave die su^ene- und verziegsbriefe uf den graffen von Waldecken etc., die ime geentwurtet sin von der hierzogen von Brunßwig wegen, bie ime behalde unde die uf den obgenanten tag mime herren dem kunige brenge und antwurte.
(6) Item so habe min herre der kunig mit mime herren von Mencze geredt, daz min herre den graven von Waldecke besenden wulle, daz er zu^e ime komme und wulle mit ime reddin, daz er den anlaßbrief, als min herre der kunig vor bescheiden habe, mime herren dem kunige auch schicken solle, und daz min herre der kunig danne mit den briefen uf beide sieten tu^e als er vor geredt had.
(7) Item daz min jungher der lantgrave sine botschaft zu^e stund tu^en wolle zu^e den hierczogen von Brunßwig, und in virkundige als vor geschrebin sted, und an sie laße werbe, daz hierczoge Bernhard komme ader daz er und sin bru^eder ire frunde mit macht schicken uf einen tag vor mimen herren den kunig gein Nurenberg uf sente Viti und Modesti tage nehstkumpt von des ußsprachs wegen umbe hierczogen Frederichs von Brunßwig seligen todslags.
(8) Item daz min herre von Mencze mit dem graven von Waldecke redden solle, daz derauch selber uf denselben tag sente Viti und Modesti tage vor minen herren den kunig gein Nurenberg komme von desselben ußspraches desselben todslags wegen.
(9) Item nind der lantgrave den obgenanten tag und die stugke uf als vor geschrebin sted, so nimd min herre von Mencze die auch also uf. Nimd aber der lantgrave der nicht uf, so nimd min herre von Mencze der auch nicht uf.
Conceptum Nurenberg sexta feria post inventionem sancte crucis sub anno domini millesimo 400 primo.

Sprache des Originaltextes

deutsch

Nachweise

Textgrundlage

Stückangaben, Regest

Deutsche Reichstagsakten 4

Original

Deutsche Reichstagsakten 4

Zitierweise

Landgrafen-Regesten online Nr. 11192 <https://www.lagis-hessen.de/de/subjects/idrec/sn/lgr/id/11192> (Stand: 28.04.2024)